Ekintaekin

Nire belaunaldikoak edo bazarete agian gogoratuko duzue PC Futbol mitikoa, joko honetan talde super txiki bat hartzen zenuen, eta Europako onena bihurtzera eramatea zen erronka. Niri askotan ematen dit PC Futbol zaharrak jolastearen gauza nostalgikoak, eta halakoetan nenbilela PC Futbol berri bat iragarri zuten, gainera euskaraz jokatu ahal izango zena, orain arteko guztiak ez bezala.

Ez zen ondo atera, eta oraindik etsi ez badute ere, gaur egun inor gutxik du konfidantza proiektu horretan. Baina, halako batean, pasa den abendu aldera edo, garatzaile batek bere PC Futbol estiloko futbol manager bat egiteko saiakera abiatu zuela jakin genuen, eta hau da Pro Football.

Early Accessean dago oraingoz, eta hala egongo da denbora batez honen atzean dagoen garatzaile bakarra jokoa osatzen doan bitartean. Orain europako txapelketak gehitu berri ditu, baina adibidez gazte akademia, publizitatea, produktuen salmenta-eta oraindik ez dago garatuegia.

Huts egin duen PC Futbolak euskaraz izango zela eta ilusio asko egin zidan, eta garatzaile honi galdetu nion ea euskaratu nezakeen. Baietz esan zidan, eta orain edonork jolastu dezake euskaraz. Oraindik akatsak topatzen nabil, beraz jolastuko bazenute esan akatsen bat topatzen baduzue.

Duela asko atera zen Pawnbarian jokoa, zale asko maitatzera iritsi diren joko txiki baina aldi berean handia da. Duela urte asko deitu zidan atentzioa, eta uda honetan hortara jarri eta euskaratu egin dut.

ZERTAZ DOA?

Ba Pawnbarian ziegetan barrena zoazen txandakako joko bat da, ziegan aurrera zoazela mugitzeko eta erasotzeko erabiltzen dituzun kartak hobetzen zoazelarik. Bere gauza kuriosoenetako bat mugimenduak xake piezenak direla da. Orduan segun eta zein karta hartzen duzun, taula gainean kartak errepresentatzen duen xake pieza bezala mugituko zara.

KONTATU GEHIAGO, MESE

Hiru ziega daude, ziega bakoitzak zazpi solairu ditu, eta behin hauek gaindituta zailtasuna handitu dezakezu. Hainbat pertsonaia daude baita ere, pertsonaia bakoitzak jokatzeko modu ezberdina duelarik. Adi etsai batzuk haiek erasotzeko modu espezifikoak dituztelako baita ere!

NOLA JOLAS DEZAKET EUSKARAZ?

Momentuz nire bertsio (oraindik-ez-ofiziala) dago zuzenketak egiten ditudan bitartean. Supereskertua nengoke norbaitek hau jolastu eta akatsez informatuko balit. Test bertsio hau ordenagailuan bakarrik jolastu daiteke, baina bestela behin konforme nagoenean ordenagailuko eta mugikorreko bertsioetan egongo da ofizialki.

NOLA INSTALATU ORAINGOZ
Steamen jokoaren fitxategietara joan. bertan Pawnbarian_Data>StreamingAssets>Languages eta karpeta hortan fitxategi hau gehitu. Gero jokoa ireki, hizkuntza aukeratu. Jokoa berrabiarazi eta, orain bai, euskaraz agertu beharko litzateke guztia.

JOKOA IKUSI NAHI DUT

Hemen ikusi dezakezue bideojokoa euskarazko bertsio finaletik nahiko gertu: