Etiketa: euskara
Euskarazko bideoak, telesailak, bideojokoak eta filmak
Blog honetan duela urte batzuk idatzi nuenean aspektu batzutan oso egoera ezberdinean geunden.
Gaur interneten euskarazko ikusentzunezko edukia legalki hainbat lekutan topa dezakegu, baina erreferentzia eztabaidaezinena ZerNonIkusi da. Atal ezberdinetan Plataformetako edukia, Youtubeko edukia eta bilaketa egiten dugun egunean zinemetan euskaraz ikus dezakeguna agertuko zaizkigu (kontuan izan aste batetik bestera alda daitekeela azken hau). Ez da ikusentzunezkoetan topa dezakegun guztia, baina bai zati oso erraldoi bat. ZerNonIkusiren youtubeko atalaren aplikazioa dago, ZniTB, mugikorrean, Chromecastean edo Android duen telebista batean instala dezakezuena.
Beste plataformetan ere badabiltza euskaldunak, Twitchen esaterako euskaldun asko ibili dira zuzenekoak egiten. Une jakin batean nor dagoen jakin nahi baduzue Ion Lizarazuk sortutako tresna hau erabil dezakezue.
Tiktoken euskal sortzaileen jarraipena egitea zailagoa da eta nik dakidala ez dago tresnarik. Hala ere #euskaraz, #euskalherria, #euskaldunaktiktoken eta antzeko bilaketak egiten agertuko zaizkizue batzuk.
Peertube.eus kasu berezi bat da, izan ere bertako eduki guztia (ia-ia-ia guztia esango dugu) euskaraz dago. Beraz ez du bilaketa tresna beharrik. Editatu osteko bideoak zein zuzenekoak ikus ditzakezue bertan, hainbat tematika ezberdin topatuko dituzue: badaude tarotari buruzko bideoak, elkarteen artxiboak , Jokin_pa edo arkkusoren denetariko kanalak, software librearen inguruko hainbat gairen bideoak eta baita bideo edizio tutorialak ere. Ni ere topa nazakezue, hemen. Hauek adibide batzuk bakarrik dira, begiratu ea zer topatzen duzuen eta topatzen ez duzuena sortzera animatzen zaituztet <3
Peertube telebistan ikusteko? Ba nik (hau aukera pertsonala da) NewPipe erabiltzen dut.
Bideojokoei dagokienean oraindik ere ez daude asko euskaraz, horregatik bereziki garrantzitsua da Gamerauntsiaren webean dagoen euskarazko bideojokoen atala, batzuk ofizialki eta besteak zaleek itzuliak. Aipamen berezia: Ibaios.eus. ZerNonIkusiren youtubeko atalean ere bideojokoek bere txokoa dute, hemen ikus dezakezue.
Ezagutzen dituzue tresna gehiago? Baten bat ahaztu zait? Idatzidazue eta joango naiz editatzen eta gauza berriak sartzen.
Euskarazko komunitateak Telegramen
(Komunitate berriak sortzen badira eguneratzen joango naiz)
Telegram jende askok zaletasunak partekatzeko erabiltzen duen tresna da (besteak beste ez delako telefono zenbakia partekatzen taldekideekin, Whatsappen ere aukera hori laster egongo dutela iragarri dute), eta interes ezberdinak dituzten euskaldunek ere euren txokotxoak sortu dituzte.
Manganime komunitatean manga eta animeez hitz egiten da, euskaraz ateratzen denaz informatu edo hizkuntzalaritza/bikoizketa bitxikeriak partekatzen dituzte: https://t.me/euskal_manganime
Bideojokozaleentzako Gamerauntsia dago, urtean zehar ekintzak antolatzen dituen talde bat izateaz gain Telegramen talde jendetsu bat dute bideojokoen inguruko berriak komentatu edo gustatu zaizkien jokoez hitz egiteko. Honetaz gain euskarara itzulitako bideojokoen berriak ere izango dituzue: https://t.me/gamerauntsia
Azken urteotan rol jokoen munduak gorakada nabarmena eman du euskaldunon munduan, jardunaldiak antolatu dira, partidak, rol jokoak joan dira ateratzen… eta rolariak biltzeko topagune bat dute telegramen: https://t.me/rolariak
Film eta telesailek arrakasta asko dute, baina pantailetatik euskara desagertu zen bezala, hauek komentatzeko espazioak ere ez ziren asko, eta hor sartzen da zinema gomendioak, zine eta telesailzale euskaldunen komunitatea: https://t.me/+TUaLayUYx8MohlRx
Dena dela, azken urteotan geroz eta gehiago ikus dezakegu euskaraz, baina horrenbeste gauza berriren artean nola dakigu zer ikus daitekeen euskaraz? Ba beno, ZerNonIkusiren telegram kanal (adi, kanal esan dut, mezuak jaso bakarrik egingo ditugu) hau erabiltzen https://t.me/zernonikusi
Software libreak komunitate zabala du euskal herrian, eta komunitate horren isla da librezale taldea https://t.me/librezale
Hezkuntza komunitatea eta teknologia (software librea) gaiak uztartzen Hezkuntzan librezale dago https://t.me/hezkuntzanlibre
Software librearen inguruko zalantzak dituenak beste komunitate hau du https://t.me/SoftwareLibreZalantzak
Ğ1 moneta digitalaren inguruan hitz egiteko ere sortu da euskarazko komunitatea https://t.me/g1euskaraz
Baina arraroa kirolik ez agertzea, ezta? Duela gutxi NFL Euskaraz sortu da, estatu batuetako futbol amerikar liga ospetsuaren jarraitzaile euskaldunak batzeko txokoa, denboraldia hastear den honetan euskal zaleekin bizitzeko aukera aparta dugu 🙂 https://t.me/NFLEuskaraz
Berbaxerkan jolasten ikasteko tutoriala
Berbaxerkan jolasteko egin klik hemen.
@kafearensemea rekin hizketan
Aste hontako saioak ez du gai zehatzik gauza askotaz hitz egin delako, hizkuntza, euskarazko eduki sorkuntza edo osasun mentala izan dituelarik ardatz.
Spotifyrako esteka hemen
Ivooxen entzuteko hemen
Anchorren entzuteko hemen
Podcast: Play in new window | Download
Zinegileekin hizketan
Aste honetako atalean Irati Cano eta Izaskun Arandia zinegileak izan dira euren sorkuntza prozesu, etorkizuneko proiektu edo kultura esparruaren inguruko ikuspuntuak komentatzen.
Spotifyn entzuteko, hemen
Ivooxen entzuteko, hemen
RSS jario probisionala, hemen
Podcast: Play in new window | Download
Twitterreko espazioez hitz egiten baipasan
Podcast: Play in new window | Download
Euskarazko eduki sortzaile digitalak
#3000Twitz eta Pantailak Euskaraz
Mintzapraktika bide berriak
Nire herrian mintzapraktikarako programa batean nago. Sare sozialetan ere hizkuntzaren gaia nahiko presente dago, eta gainera hizkuntza gutxitu askotako jendearekin dut nolabaiteko harremana, horrek besteen esperientzietatik ikastea ahalbidetzen duelarik.
Ez dakit Clubhouse ezagutzen duzuen, baina bertan hizkuntza ezberdinak ikasi eta batez ere hitz egiteko talde eta audio gela ezberdinak daude. Ni bereziki gaztelera ikasten dabiltzanen geletan ibili izan naiz, topatzen nituenetatik hoberen hitz egiten nuena zelako. Eta liluragarria iruditu zitzaidan. Uste eta espero dut mintzapraktika programetan ikasitakoa lagungarri izan zitzaidala.
Kontua da orain Twitterreko Espazioek duten potentziala esploratzen nabilela. Eta komunitate edo gai zehatz baten inguruko afinitate taldeak sortzeko aukerarik egon ez arren, nire jarraitzaile eta jarraitu askoren artean hizkuntza minorizatuak babestu eta hedatzearen aldeko sensibilitatea dagoenez interesgarria iruditzen zait espazio formalez gain informalak ere esploratzea.
Nire inpresioa da euskaraz erdi-ondo egiten dutenek errazago topatuko dituztela euskaraz aritzeko egoerak, orduan momentuz hasten ari direnek lotsa galtzeko planteatuko dut hasiera batean, baina ideala sartzen den jendearen mailara moldatzea da, espazio gehiago sortu arte behintzat.
Ilusioa egingo lidake antzeko espazio asko sortuko balira, eta ahal dela hizkuntza ezberdinetan, nik ere ikasi nahi bait dut batzutan soltura handiagoarekin aritzen, baina honela hasiko gara. Lehen zita azaroaren 16ean arratsaldeko 18etan jarriko dut, eta ikusiko dugu zer gertatzen den.
Aurrerago saiatuko naiz programatzen, baina momentuz bihar egin “#mintzapraktika filter:spaces” (komatxo gabe) bilaketa twitterren eta espazioa agertu beharko litzaizueke. Hori bai, ez ahaztu momentuz mugikorreko aplikaziotik bakarrik hitz egin daitekeela, ordenagailutik sartuta entzuteko aukera bakarrik ematen du.
Ikusiko dugu ba ea zer moduz ateratzen den!